|
మేషం
|
 |
|
గురువు జన్మమందు , శని 7 వ ఇంట , రాహువు 8 వ ఇంట , కేతువు 2 వ ఇంట సంచరిస్తున్నారు. ఆధ్యాత్మికచింతన పెరుగుతుంది. వైద్య , ఇంజనీరింగ్ , ఐటి విద్యార్థులకు పురోభివృద్ధి. గృహంలో మార్పులకై చేయు ప్రయత్నాలు అనుకూలం. క్రీడలపట్ల , కళలపట్ల , రచనల పట్ల ఆసక్తి పెరుగుతుంది. ఆర్థిక ఇబ్బందులు తొలగుతాయి. స్థిరాస్థియోగం కలిసి వస్తుంది. బంధుమిత్రుల సహకారంతో ఒకధార్మిక కార్యక్రమానికి బాధ్యత వహించి ప్రశంసలు పొందుతారు. నువ్వులు , బెల్లం , నూనె , వ్యాపారులకు ధనాదాయం. మొదటివారం స్వల్ప ఆదాయం , రెండోవారం
కార్యనుకూలత , మూడోవారం స్థిరాస్థియోగం , నాలుగోవారం ధార్మికచింతన.
|
|
|
వృషభం
|
 |
|
గురువు 12 వ ఇంట , శని 6 వ ఇంట , రాహువు 7 వ ఇంట , కేతువు జన్మమందు సంచరిస్తున్నారు. ఈ రాశివారికి ఈ మాసంలో నూతన వ్యక్తుల పరిచయం , బంధుమిత్రుల సహకారం పుష్కలంగా వుంటుంది. చేయు వృత్తి ఉద్యోగ వ్యాపారాల్లో బాగా రాణిస్తారు. మొదటివారం వ్యవహారజయం , రెండోవారం ధనలాభం , మూడోవారం ధార్మిక చింతన , నాలుగోవారం క్షేత్రదర్శనం.
|
|
|
మిధునం
|
 |
|
గురువు 11 వ ఇంట , శని 5వ ఇంట , కేతువు 12 వ ఇంట , రాహువు 6 వ ఇంట సంచరిస్తున్నారు. చింతించకు గడచిన పని అన్నట్లుగా ఆనందం , ప్రయత్న జయం తదితర శుభ ఫలితాలు ఈ మాసంలో కలుగుతాయి. చేయు వృత్తిఉద్యోగములందు అనుకూలత. మహిళలకు థైరాయిడ్వంటి అనారోగ్య సమస్యలు తీవ్రరూపం దాల్చుతాయి. జాగ్రత్త వహించగలరు. శివాభిషేకాలు , నవ్రగహ శాంతి పూజలు మేలు చేస్తాయి. మీరంటే ఇష్టపడే వ్యక్తి మంచితనం మిమ్ములను వారి దగ్గరకు చేరుస్తుంది. తొందరపాటు నిర్ణయాలు వద్దు , గడచిన పనులు వల్ల వృథా ఖర్చు , వృథాశ్రమ అని గ్రహిస్తారు. మొదటివారం అనారోగ్యం , రెండోవారం వృథాఖర్చు , మూడోవారం ప్రయత్నజయం , నాలుగోవారం సంతోషం.
|
|
|
కర్కాటకం
|
 |
|
గురువు 10 వ ఇంట , శని 4 వ ఇంట , రాహువు 5 వ ఇంట , కేతువు 11 వ ఇంట సంచరిస్తున్నారు. ఈ మాసంలో ఈ రాశివారికి ముఖ్యమైన కార్యక్రమాలు వాయిదాపడతాయి. గృహంలో ఏవైనా విలువైన వస్తువుపోయే ఆస్కారం ఉంది. అందరితో కలిసి విందు వినోదాల్లో పాల్గంటారు. దూరప్రయాణాలు వద్దు , ఒంటరి ప్రయాణాల వల్ల ప్రమాదం జరిగే అవకాశం ఉంది. సన్నిహితులు ,బంధువులు ఆర్థిక లావాదేవీల్లో మధ్య వర్తిత్వం కోసం ఒత్తిడి తెస్తారు. సున్నితంగా తిరస్కరించడం మంచింది. మొదటివారం అపహరణ , రెండోవారం కార్యజయం , మూడోవారం ప్రమాదం , నాలుగోవారం ఆనందం.
|
|
|
సింహం
|
 |
|
గురువు 9 వ ఇంట , శని 3 వ ఇంట , రాహువు 4 ఇంట , కేతువు 10 వ ఇంట సంచరిస్తున్నారు. దూరప్రయాణాలకై చేయు క్షేత్ర దర్శన ప్రయత్నాలు ఫలిస్తాయి. పండ్లు , పూలు వ్యాపారులకు ఆశించిన లాభాలు వస్తాయి. దైవ కార్యక్రమాలలో చురుగ్గా పాల్గొంటారు. గతంలో కొన్ని పొరపాట్లు గ్రహపాటులాగా వెంబడించి మానసిక వేదనకు గురిచేస్తాయి. ప్రముఖులనుండి ఆహ్వానాలందుతాయి. ప్రతివిషయం , ప్రతిపని కొంత ఆలస్యమైన ఫలితం అనుకూలంగా ఉంటుంది. మొదటివారం క్షేత్రదర్శనం , రెండోవారం అపనిందలు , మూడోవారం ప్రయత్నఫలం , నాలుగోవారం శుభవార్తా శ్రవణం.
|
|
|
కన్య
|
 |
|
గురువు 8 వ స్థానం , శని 2 వ ఇంట , రాహువు 3 ఇంట , కేతువు 9 వ ఇంట సంచరిస్తున్నారు. ఏలినాటి శనివారం ప్రభావం వల్ల కొన్ని ఇబ్బందులు తప్పవు. ప్రతిమాసం సత్యనారయణ వ్రతం ఆచరిస్తే శుభఫలితాలు వస్తాయి. నమ్మినవ్యక్తుల వల్ల ఆర్థిక సమస్యలు. తల్లిదండ్రుల అనారోగ్యం ఆందోళనకు గురిచేస్తుంది. జాగ్రత్త వహించండి. మొదటివారం శస్త్రచికిత్సలు , రెండోవారం పదవీయోగం , మూడోవారం విలువైన ఆభరణాల కొనుగోలు , నాలుగోవారం దైవారాధన.
|
|
|
తుల
|
 |
|
గురువు 7 ఇంట , జన్మరాశియందు శని , రాహువు 2 వ ఇంట , కేతువు 8 వ ఇంట సంచరిస్తున్నారు. ఈ రాశివారికి ఈనెలలో అధికశ్రమతో పనులు పూర్తవుతాయి. దీర్ఘకాలికంగా పెండింగ్లో ఉన్నా కోర్టు , భూవివాదాలు పరిష్కారదశకు చేరుతాయి. మొదటివారం వృథాప్రయాణం , వృథాశ్రమ , రెండోవారం ఆందోళన, మూడోవారం అపనిందలు , నాలుగోవారం క్షేత్రదర్శనం.
|
|
|
వృశ్చికం
|
 |
|
గురువు 6 వ ఇంట , శని 12వ ఇంట , రాహువు జన్మనక్షత్రమందు , కేతువు 7 వ ఇంట సంచరిస్తున్నారు. ఈమాసంలో ఈ రాశివారికి గృహంలో మార్పు , చేర్పులకు అనుకూలం. మిత్రుల సహకారాల వల్ల ఆర్థిక ఇబ్బంది అంటూ ఉండదు. దూరప్రయాణాలు క్షేత్రదర్శనాలు అనుకూలం. ఆరోగ్య , విద్యా , ఉద్యోగ , వివాహం కోసం నవగ్రహ దోషనివారణ పూజలు ఆచరిస్తే మంచిది. మొదటివారం గృహమార్పు , రెండోవారం ఆరోగ్యభంగం , మూడోవారం దోషపూజలు , నాలుగోవారం ప్రయత్నఫలం.
|
|
|
ధనుస్సు
|
 |
|
గురువు 5వ ఇంట , శని 11వ ఇంట , రాహువు 12 వ ఇంట, కేతువు 6 వ ఇంట సంచరిస్తున్నాయి. నూతన వ్యక్తల పరిచయం ఎంతో సంతృప్తినిస్తుంది. ఉపాధ్యాయులకు , రెవెన్యూ , బ్యాంకు , ఆర్.టి.సి రైల్వేఉద్యోగులకు స్థానచలనం , పదోన్నతి ప్రక్రియలు మానసికానందాన్నిస్తాయి. వ్యాపారులకు అదృష్టకాలం. వివాహప్రయత్నాలు , విద్యా ఉద్యోగ ప్రయత్నాలు ఓ కొలిక్కి వచ్చే అవకాశం ఉంది. నిర్మాణ ప్రయత్నాలు నెరవేరుతాయి. మొదటివారం స్థానచలనం , రెండోవారం ఆదాయం , మూడోవారం దైవచింతన , నాలుగోవారం మానసికానందం.
|
|
|
మకరం
|
 |
|
గురువు 4 వ ఇంట , శని 10 వ ఇంట , రాహువు , 11వ ఇంట , కేతువు 5 వ ఇంట సంచరిస్తున్నారు. దీర్ఘకాలంగా పెండింగ్లో ఉన్న భూవివాదాలు , కోర్టు వ్యవహారాలు పరిష్కరింపబడుతాయి. విద్యార్థులకు ఉన్నత విద్యాభ్యాసం , విదేశీ ప్రయాణాలు కలిసివస్తాయి. మొదటివారం ప్రశంసలు , రెండోవారం ఆనందం , మూడోవారం ధార్మికచింతన , నాలుగోవారం ధనప్రాప్తి.
|
|
|
కుంభం
|
 |
|
గురువు 3 వ ఇంట శని , 9 వ ఇంట , రాహువు 10 వ ఇంట కేతువు , 4 వ ఇంట సంచరిస్తున్నారు. శుభకార్యాలకు చేసే ప్రయత్నాలు ఆలస్యంగానైనా పరిపూర్ణమౌతాయి. ధార్మిక సేవ , చింతన పెరుగుతుంది. మిమ్మల్ని చూసి అసూయ పడే వారు అధికమౌతారు. బంధువుల రాకపోకలు పెరుగుతాయి. మొదటివారం కార్యజయం ,
రెండోవారం పదవీప్రాప్తి , మూడోవారం శుభవార్తలు , నాలుగోవారం లక్ష్యసాధన.
|
|
|
మీనం
|
 |
|
గురువు 2 వ ఇంట , శని 8 వ ఇంట , రాహువు 9 వ ఇంట , కేతువు 3 వ ఇంట సంచరిస్తున్నారు. ఈ మాసంలో ఈ రాశివారికి కార్యవిఘ్నత. అధికారులతో కలహాలు , ఆత్మీయులతో ఎడబాటు , ప్రమాదాలు తదితర అశుభఫలితాలు. ఏర్పడే అవకాశం ఉంది. దైవచింతన పట్ల ఆసక్తి పెరుగుతుంది. ఇంట్లో శుభకార్యం ఆనందాన్నిస్తుంది. మొదటివారం
కలహాలు , రెండోవారం వృథాఖర్చులు , మూడోవారం శుభకార్యం , నాలుగోవారం పుణ్యక్షేత్రదర్శనం.
|
|
|